Повторно е среќен: Елмас ја започна втората епизода во Наполи!

Македонскиот репрезентативец Елиф Елмас по завршувањето на настапите со националниот тим се врати во Италија и повторно е дел од Наполи. Играчот веќе тренира со соиграчите и му е на располагање на новиот тренер Антонио Конте, подготвен за ново деби во дресот на „партенопеите“.

Италијанските медиуми пренесуваат дека Елмас изгледа расположено и со нетрпение го очекува своето враќање на теренот во боите на Наполи.

Голема предност на македонскиот фудбалер е неговата флексибилност – може да одигра на сите позиции во средниот ред, што е силен адут за Конте.

Елмас во последниот меч за Македонија против Лихтенштајн постигна прекрасен погодок по соло акција, уште една потврда за неговата форма и самодоверба.