Двајца македонски фудбалери избрани во тимот на колото во хрватската лига

Македонските фудбалери Илија Несторовски и Димитар Митровски се најдоа во центарот на вниманието во последното коло од хрватската Прва лига, благодарение на нивните одлични настапи. Нивните извонредни игри не останаа незабележани, па заслужено се најдоа меѓу најдобрите единаесетмина на колото.

Несторовски се запиша меѓу стрелците за Славен Белупо, постигнувајќи важен гол во натпреварот против Истра кој заврши без победник (1-1). Од друга страна, Митровски блескаше со два погодоци и беше клучен за победата на Вараждин против Локомотива со конечен резултат од 2-1.

Фото: NK Slaven Belupo