Барселона има се помалку време: Лапорта во Катар го решава големиот проблем!

Фудбалскиот клуб Барселона се соочува со голем предизвик за регистрација на Дани Олмо за вториот дел од сезоната бидејќи крајот на декември е рокот до кога мора да се најдат потребните финансиски средства за да се осигура останувањето на репрезентативецот на Шпанија.

Олмо пристигна во Барселона од Ред Бул Лајпциг со трансфер вреден 55 милиони евра, по неговите импресивни игри во дресот на репрезентацијата на Шпанија.

Поради правилата за регистрација на играчи, Барселона можеше да користи 80% од износите на платите на повредените Роналд Араухо и Андреас Кристенсен, но во моментот на нивното опоравување, Барселона мора да најде средства за покривање на вториот дел од сезоната.

Покрај Олмо, каталонскиот гигант води битка и за Пау Виктор кој пристигна од Џирона на крајот на јули, и јасно е дека пред лидерот на шпанската Примера e голем предизвикот како да му овозможи на Ханси Флик да смета на овие играчи и во втората половина од шампионатот.

Според информации од Пиринјскиот полуостров, на клубот му се потребни 50 милиони евра за решавање на горливиот предизвик, а неодамна се појави информација за продажба на ВИП местата на стадионот за следните 20 години, што би донело неверојатни 200 милиони евра.

Шпанскиот „АС“ наведува дека во контекст на решавање на овој проблем, првиот човек на Барселона, Жоан Лапорта, отпатуваЛ во Катар каде што би барал средства во една од најразвиените земји на Блискиот исток за покривање на регистрацијата на Олмо и Виктор.

Олмо потпиша договор со Барселона летово до лето 2030 година, а со шест голови во сите натпреварувања со Ламин Јамал е трет стрелец во тимот, зад неприкосновените Роберт Левандовски и Ламин Јамал.