Манчестер Јунајтед продолжува со серијата разочарувачки резултати и по назначувањето на новиот тренер Рубен Аморим. Во 15. коло од Премиерлигата, „црвените ѓаволи“ доживеаја нов пораз, овојпат на домашен терен од Нотингем Форест со резултат 2-3.
Домашната екипа уште еднаш покажа ранливост во одбраната, примајќи гол уште во втората минута. Српскиот репрезентативец Никола Миленковиќ успеа да го совлада голманот Онана, носејќи рана предност за гостите. Манчестер Јунајтед, сепак, брзо ја врати неизвесноста, благодарение на Рамус Хојлунд, кој во 18. минута стрелаше за 1-1.
Street Workout Macedonia – Движење што гради сила, карактер и издржливост | Уште еден поткаст
Второто полувреме започна кошмарно за домаќините. Нотингем Форест наметна силен притисок и успеа да постигне два брзи гола преку Морган Гибс-Вајт и Крис Вуд до 54. минута, носејќи ги гостите во значајна предност од 3-1.
Манчестер Јунајтед реагираше преку капитенот Бруно Фернандеш, кој во 61. минута со прецизен удар успеа да намали на 2-3. Но, и покрај обидите за камбек, домаќините не успеаја да ја пробијат одбраната на Нотингем и да обезбедат изедначување.
По овој пораз, Манчестер Јунајтед се наоѓа на 13. позиција на табелата со 19 бодови, што е далеку од амбициите на клубот за пласман во горниот дел на табелата. Нотингем Форест, пак, блеска оваа сезона, држејќи го петтото место со 25 освоени поени.
Учество во игри на среќа е дозволено за лица со 18+ години. Играј одговорно!