Ачерби ослободен од обвиненијата за расизам

Дефанзивецот на Интер, Франческо Ачерби, е прогласен за невин од Спортскиот Суд во Серија А во истрагата против него.

Ачерби беше обвинет дека употребил расна навреда против дефанзивецот на Наполи, Хуан Жесус за време на ремито 1-1 во последното коло од италијанската елита.

 Фудбалерот беше ослободен поради недостиг на докази, затоа што против него немаше ништо освен сведочењето на Бразилецот.

Ачерби нема да биде дисквалификуван и ќе може да игра на 1 април во составот на Интер против Емполи.