Легендарниот Холанѓанец убеден: Бев подобар од Роналдо, штета што не продолжив

Легендарниот Марко Ван Бастен даде интересна изјава со која го привлече вниманието на пошироката јавност.

Имено, Холанѓанецот ја спореди својата кариера со онаа на Кристијано Роналдо и истакна дека бил подобар од Португалецот.

„Кога ќе ги споредите нашите кариера, мислам дека бев многу блиску, можеби и подобар. Во одредени сегменти, сметам дека бев поуспешен, се до тешката повреда. Жалам што не играв уште неколку години, зошто сигурен сум дека ќе имав подобра кариера. Којзнае што ќе освоев ако играв до 37-38 години“, изјави Ван Бастен.

Ван Бастен кариерата мораше да ја заврши на 30-годишна возраст откако претходно се здоби со неколку тешки повреди на коленото.