Филип Деспотовски ќе го води Тетекс

Поранешниот фудбалер на Тетекс и поранешен репрезентативец на Македонија, Филип Деспотовски, е нов тренер на тетовскиот клуб.

Ветеранот на македонски фудбалер доаѓа во ФК Тетекс да помогне да се остварат високите амбиции на клубот оваа сезона.

Деспотовски веќе го одржа првиот тренинг со фудбалерите на Тетекс, а на клупата ќе дебитира во сабота на дуелот против Осогово.

Деспотовски низ кариерата го носеше дресот на Напредок, Цементарница, Вардар, Работнички, Тетекс и Гостивар во Македонија, но настапуваше и во странство за ОФК Београд, Етникос, Ворскла, Интер Баку и други тимови.