Голема измама во македонската трета лига: Фудбалер играл со лажна легитимација, се открило кога се пожалил во болница

На социјалните мрежи се појави информација за голема измама во македонскиот фудбал.

На Фејсбук страната „Спортски удар“ е објавено за измама на натпреварот помеѓу Спортмани и Осогово во третата македонска фудбалска лига.

Измамата се открила кога морал да посети болница по завршувањето на натпреварот.

„Голманот на Спартмани од струмичко на мечот против Осогово играл под легитимација на име и презиме Јосиф Милчев, а всушност бил Филип Лазаров, играч каков што нема регистирано клубот.

По мечот истиот отишол во Итната помош каде се пожалил дека добил удар од непознато лице. Е токму овде се открил откако се преставил со правото име.

Како што јавуваат локалните медиуми истиот голман на “диво” во текот на мечот недолично се однесувал и кон противничките играчи, стручен штаб и навивачи, па чудо е што и не добил црвен картон кој го заслужил“, стои во објавата.

Исто така се додава дека ваква ситуација имало и на претходниот натпревар помеѓу овие две екипи.

„Интересно, и првиот меч кој го играа овие две екипи заврши со службена победа на Осогово откако гол постигна играч кој исто така беше фалш. И тогаш струмичани јавно се издадоa и тоа наивно откако стрелецот на голот со своето вистинско име се фалеше по социјалните мрежи дека дал гол“, стои објавата.