Милевски задоволен после двете победи: Да ја задржиме оваа енергија

Селекторот Благоја Милевски по натпреварот со Фарски Острови истакна дека е задоволен од двете победи и сака истата оваа енергија да ја види во јуни.

Македонија денес се мачеше против Фарски Острови, но запиша две победи во само три дена.

„Ако подвлечеме линија после овие два натпревари, без разлика што овој денешниот беше пријателски, можам да бидам задоволен, пред се од пристапот на играчите, енергијата, желбата. Сето тоа прави една добра база за тоа што не очекува во јуни“, изјави Милевски.

„Не можеме да извлекуваме некои паралели и на она што било пред една година. И моменталната ситуација која ја имаат голем дел на фудбалери, не наликува на ситуацијата која ја имаа пред една година. Оваа енергија која не краси мораме да ја сочуваме и во јуни“, додаде селекторот.