Пирло на чекор од отказ!?

Раководството на Јувентус е спремно да му врачи отказ на Андреа Пирло, доколку „старата дама“ не победи на гостувањето кај Удинез во недела.

„Бјанконерите“ се во лоша форма и моментално се на 4-то место на табелата со ист број на бодови како Наполи и Милан, па ги очекува грчевита борба за пласман во Топ 4.

Јувентус има исклучително тежок распоред, па следниот натпревар против Удинезе може да биде клучен, како за конечниот пласман, така за иднината на Пирло.

Италијанските медиуми пренесуваат дека Пирло сигурно нема да биде на кормилото на Јувентус следната сезона, но може да добие отказ уште во недела.