Кочо Анѓушев го исполни барањето на ветераните, им го предава Борец

Кочо Анѓушев се повлече од ФК Борец, а клубот ќе го превземат ветераните.

Барањата на ветераните се остварија, Анѓушев ќе им го предаде Борец без никакви услови и долгови, а тие ќе се обидат да најдат начин клубот нормално да функционира.

„Имавме состанок со господинот Кочо Анѓушев и постигнавме договор да ни го предаде клбуот и сме му многу благодарни за се што направи досега. Веќе денес ќе ги информираме играчите дека тренажниот процес продолжува нормални и се прават напори да се обезбедат услови за нормално функционирање“, изјави Марјан Нацев кој вќе биде новиот претседател на акционерското друштво.

Се очекува со новиот ваучер кој клубот треба да го добие да се обезбеди финансиски барем до крајот на сезоната. Засега не е јаснп што ќе се случува после мај кога ќе требаат нови пари за клубот да работи нормално.

Инаку, клубот веќе го напушти хрватскиот напаѓач Никола Прелчец кој потпиша за Работнички.