Ањели: Сите чекаат Пирло да загуби неколку натпревари

Јувентус ова лето се реши за нов тренер да го именува Андреа Пирло, иако Италијанецот претходно немаше воопшто тренерско искуство.

Пирло после два одиграни натпревари во Серија А има победа и реми, а претседателот Ањели вели дека луѓето се скептични и едвај чекаат неколку порази за да почнат критиките.

„Светот околу нас едвај чека да суди по неколку порази. Тоа што недостасуваше, во случајот со Пирло, е отсуството на подготовки од повисоко ниво во пресрет на новата сезона, како и неговото прво искуство на клупата“, истакна Ањели.

„Штом се соочиме со некоја пречка на патот, сигурно светот ќе сака да му суди на Јувентус поради изборот кој го направи. Меѓутоа ние решивме да постапиме храбро, му го отворивме патот, му дадовме слобода да го креира тимот по свои замисили“, додаде претседателот на „старата дама“.