Ибрахимовиќ со нов позитивен тест на Ковид

Милан денес потврди дека Златан Ибрахимовиќ дал позитивен тест на Ковид и на најновото тестирање.

39-годишниот напаѓач беше откриено дека е заразен со коронавирус на 24 септември, заедно со Лео Дуарте, а и после 14 дена двајцата повторно се позитивни.

Милан идната сабота го игра миланското дерби против Интер, па прашање е дали Ибрахимовиќ ќе биде во комбинација за тој дуел.

Во следните два дена повторно ќе му бидат направени тестови на двајцата фудбалери, а во Милан се надеваат дека што побрзо и двајцата ќе бидат негативни.