Амбициозниот план на Интер за привлекување на Меси

Манчестер Сити е голем фаворит за привлекување на Лионел Меси, но Интер не се откажува од намерата да го донесе Аргентинецот во Милано.

Клубот од Милано има амбициозен план и претседателот Стивен Жанг веќе работи на наоѓање спонзори во Кина. Сопствениците се трудат да најдат спонзори кои ќе им помогнат да го обезбедат потребните средства за високата плата на Меси.

Жанг е сопственик на компанијата „Сунинг“, втор најголем холдинг во Кина. Покрај барањето на спонзори, сопствениците на Интер треба да добијат и одобрение од кинеските власти за една таква голема инвестиција.

Италијанскиот клуб чека Меси да се ослободи од Барселона за да започне преговори и да ја презентира својата понуда.

Во прилог им оди фактот што во Италија сега се многу пониски даноците, па Меси веќе купи куќа во Милано. Имено, Аргентинецот ако живее во Италија ќе плаќа многу помал данок и на заработката од спонзорските договори и имиџ правата.