Лукаку призна: Бев блиску до Јувентус, но потпишав за Интер поради…

Ромалу Лукаку ова лето го напушти Манчестер Јунајтед и се пресели во Интер каде блеска оваа сезона во Серија А.

Белгиецот после лошата сезона на „Олд Трафорд“ реши да го напушти клубот, а голема битка за неговиот потпис водеа италијанските гиганти Интер и Јувентус.

Лукаку потврди дека бил блиску до трансфер во Јувентус и откри зошто се одлучил да потпише за Интер.

„Интер и Јуве се натпреваруваа за мене. Бев блиску до премин во двата клуба, но се одлучив за Интер, затоа што Антонио Конте е вистинскиот стратег. Тој знае како да се однесува со играчите и од него научив многу лекции“, истакна Лукаку.

„Уште како дете Интер беше мојот клуб во Италија. Го следев примерот на Андриано и Роналдо. Кога ме контактираше Интер, клубот и тренерот Конте, кој своевремено сакаше да ме ангажира во Челзи и Јувентус, помислив дека е вистинско време да заминам таму и да работам напорно“, додаде напаѓачот.