Браида: Сакам Меси да заигра за Милан

Поранешниот директор на Милан и Барселона, Алфредо Браида зборуваше за можноста Меси да ги напушти Каталонците.

Засега најавите дека Меси би можел да ја напушти Барселона поради конфликтот со Абидал се зимаат со доза на резерва. Браида кој во текот на кариерата беше спортски директор во Милан и Барса смета Меси ќе остане на „Ноу Камп“, но зборуваше и за тоа каде Аргентинецот би се снашол добро.

„Лично мислам дека Меси нема да ја напушти Барселона. Во Барселона и понатаму игра фантастично, но можам да го замислам и во друга средина. Кој би можел да го купи? Дефинитивно некој англиски клуб, но и некои клубови од Серија А. Меси би го препородил било кој тим, како што Барса би бил обична екипа без него. Каде јас би сакал да заигра? Во Милан“, изјави Браида, а потоа беше запрашан и за можноста да заврши во Јувентус кај Роналдо.

„Роналдо и Меси не би имале проблем да играат во ист тим бидејќи двајцата се чудесни играчи“, објасни Браида.