Англиски новинар го налути селекторот на Хрватска: Јас зборувам на својот јазик

Иако Хрватска во драматичен натпревар славеше против Шпанија со резултат 3:2, селекторот на Хрватите не беше премногу среќен. Најмногу тоа беше така поради повредата на Иван Ракитиќ.

Еден од најважните фудбалери на Хрватска во вчерашниот натпревар заработи повреда, а Далиќ потврди дека се вратил во Барселона на дополнителни прегледи.

Пред самото тргнување за Лондон на аеродромот во Загреб се случи една интересна ситуација. Додека Далиќ даваше изјава за хрватските новинари се вклучи и еден англиски кој сакаше селекторт на Хрватска претстојниот натпревар да го најави и на англиски јазик.

Сепак, новинарот не го доби она што бараше.

„Ја секогаш зборувам на својот јазик. Извини“, му се обрати Далиќ на англискиот новинар и продолжи да зборува на хрватски.

Далиќ откако заврши со Хрватите, на нивно барање прозборе и на англиски, но тоа беше многу кратко.

Со скоро иста ситуација Далиќ се сретна и на Светското првенство кога Хрватска играше исто така против Англија. На Англичаните тогаш не им се допадна што тој прашањата ги одговара на хрватски, но тогаш се вклучи портапролот на Фудбалскиот сојуз на Хрватска кој порача дека на прес-конференцијата на „коцкестите“ се одговара само на хрватски.