Ди Франческо пред отказ во Рома – познат неговиот заменик!

Тимот на Рома на катастрофален начин ја започна сезоната, а сметката најверојатно ќе ја плати тренерот Еусебио ди Франчесо.

Поразот од Болоња вчера ја прелеа чашата, па раководството на Рома веќе бара заменик за Ди Франческо, а „Кориере дело Спорт“ открива дека прв кандидат е Пауло Соуза.

Португалскиот стратег моментално е на кормилото на кинески Тијанжин, но наскоро би можел да се пресели на „Олимпико“.

Имено, раководството на „волчицата“ му дало ултиматум на тренерот Ди Франческо и во следните два меча бара 6 бода.

Соуза е добро познато име на Апенините, бидјеќи како играч настапуваше за Јувентус, Интер и Парма, а во периодот од 2015 до 2017 седеше на кормилото на Фиорентина.