42 поени на Лилард не беа доволни, Јокиќ и Денвер изедначија против Портланд 🎥

Денвер славше против Портланд во вториот натпревар од плеј-офот.

Портланд пред неколку дена го доби првиот натпревар со Денвер и поведе 1:0, но сега тимот на Јокиќ одигра одлично и изедначи.

Од самиот почеток Денвер имаше предност, а после првата четвртина домаќините водеа со 31:25. И во втората Портланд немаше решение за играта на Денвер, па на пауза нагетси замина со водство од 73:61.

Во второто полувреме Портланд играше нешто подобро, но не успеаа резултатски да се вратат во игра. Домаќините ја задржаа својата предност до крајот на мечот и славеа со 128:109. Серијата сега се сели во Портланд каде ќе се играат два натпревари.До победата Денвер беше предводен од Никола Јокиќ кој мечот го заврши со 38 поени, осум скокови и пет асистенции. Кај Портланд расположен беше Демијан Лилард, но неговите 42 поени, десет асистенци и четири скока не помогнаа овој тим да дојде до триумф.

Вчера играа уште Милвоки и Мајами, таму Бакси поведоа со 2:0 во серијата откако го декалсираа Мајами со 132:98.