Барселона тргнува по ѕвездата на Наполи

Шпанските медиуми пренесуваат дека Барселона е силно заинтересирана за играчот за врска на Наполи, Фабиан Руиз.

Откако ја загубија битката за потписот на Вајналдум, Каталонците ќе се насочат кон шпанскиот репрезентативец, кој игра одлично во Наполи.

Куман бара засилување на средниот ред, а Фабиан Руиз е посочен како идеален наследник на Серхио Бускетс, но може да игра на повеќе позиции во средниот ред.

Меѓутоа, трансферот нема да биде лесен бидејќи Наполи не сака да се откаже од својата ѕвезда.

„Мундо Депортиво“ пренесува дека Барселона спрема понуда од 50 милиони евра, а самиот фудбалер преферира преселба на „Камп Ноу“.