Успешно опериран Лапорт – следи долга пауза

Фудбалерот на Манчестер Сити, Емерик Лапорт денес беше опериран во Барселона, потврдија англиските медиуми.

Од Манчестер Сити потврдија дека Лапорт е успешно опериран откако „ја оштетил ‘рскавицата и бочиот менискус“ за време на саботниот натпревар со Брајтон.

„По повредата на менискускот и оштетувањето на коленото, врз Ејмерик Лапорт беше извршена операција во Барселона. Хируршкиот зафат е успешен, а во наредниот период ќе добиеме и детална прогноза околу текот на рехабилитацијата“, се вели во соопштението.

Се уште нема точни прогнози кога ќе се врати на теренот, но сигурно ќе отсуствува неколку месеци.

Тоа сигурно ќе биде голем хендикеп за Гвардиола, бидејќи Лапорт беше еден од најстандардните фудбалери минатата сезона за „граѓаните“.