Тотенхем – Ливерпул: Англиска битка во Мадрид, борба за слава и историја!

Стигнавме до големото финале во Лигата на Шампиони. Мечот Тотенхем – Ливерпул, со кој официјално ќе заврши европската фудбалска сезона. Нема сомнеж дека ќе следиме интересен меч, помеѓу две одлични екипи и двајца одлични менаџери, но трофејот може да го има само еден од нив.

Може ли Покетино да изненади уште еднаш

Колку карти можете да зачувате во ракав, но точно? Тоа е прашањето до Маурицио Покетино, а одговор ќе добиеме во финалниот меч во Лигата на шампионите. Многупати досега тој на неверојатен начин и се спротивстави на логиката. Но дали ќе успее и овој пат? Тотенхем играше во тешка група, но и покрај тоа што се бореше против најдобрите екипи, Покетино и Спарси најдоа начин херојски да се пласираат во финалето. Особено импресивна беше елиминацијата на еден од главните фаворити сезонава, Манчестер Сити и тоа во малку случајни околности. Потоа, кога сите мислевме дека нивните резерви се исцрпени, тие направија чудо и неверојатно резултатско враќање во Амстердам.

Паузата беше добредојдена за Тотенхем, повредите се минато

Што и да се случи во Мадрид, ова ќе биде сезона што треба да се запамети. Но, оние што веруваат во судбината сеуште можат да се држат до едно последно поглавје во оваа приказна. Секако, тринеделната пауза помеѓу крајот на сезоната во Премиер Лигата и овој финален натпревар беше добредојдена за Тотенхем. Хари Кејн имаше доволно време да се опорави и сега е способен да игра, а има и други позитивни вести врзани за Хари Винкс, Јан Вертонген и Давинсон Санчез. Сите тие имаа доволно време да се опорават од повредите.

Има многу реална можност сите четворица да започнат, особено ако Покетино се одлучи за тројца во одбраната. Тој систем му послужи добро на Енфилд во март. Тие одиграа одлично на гости кај Ливерпул но немаа доволно среќа и со автоголот на Андервилерд во 90 минута загубија со 2:1. Тоа за нас е доволна причина да верувае дека Покетино ќе се обиде да го репризира тој меч и да излезе со иста формација како и тогаш. Големото прашање за Покетино може да биде кој да биде префрлен на клупата ако Кејн почне. Тоа најверојатно ќе значи дека Лукас Моура, херојот против Ајакс ќе започне на клупата.

Ливерпул со безброј мотиви пред финалето

Тешко е да се замисли дека е можно било кој тим да нема мотивација пред финалето на Лигата на шампионите. Но сигурно е дека ќе има неколку дополнителни мотиви во желбата на Ливерпул да го подигне трофејот во сабота вечер. Првиот е фрустрацијата по одигрување на третата најдобра сезона во ерата на Премиер Лигата, но сепак недоволно за освојување на титулата. Стравовите дека Ливерпул ќе остане со празни раце и овој пат сигурно си играат со умот на Јирген Клоп.

Потоа, тука е уште еден фактор. Имаше олеснителни фактори за да се објасни поразот во финалето минатата сезона против Реал Мадрид. Се случи повреда на Мо Салах, неверојатните и нереалните киксови на Лорис Кариус исто така. Но сега алиби за неуспех ќе нема, или подобро кажано не би требало да има. Тие сега имаат шанса да го заборават тој болен пораз засекогаш и да го донесат европскиот трофеј на Енфилд по шести пат.

Како и нивните противници, така и Ливерпул се бореше со фитнесот на нивниот клучен централен напаѓач. Роберто Фирмио не започнал натпревар од 21-ви април. И додека Ориги солидно го замени, добродејдена беше и веста дека Бразилецот е подготвен за настап. Со Наби Кеита кој ќе биде единствен кој е отсутен, екипата на Клоп ќе биде блиску до целосна сила.

Ливерпул фаворит и тоа сосема оправдано

Букмејкерите целосно им ја препуштаат фаворитската улога на Ливерпул. Прво, тие едноставно беа многу подобра екипа од Тотенхем во текот на последните неколку месеци. Формата на Ливерпул во последните месеци од сезоната беше неверојатна. Иако имапе пораз од 3:0 во Барселона, тоа беше единствениот пат кога не успеаја да победат во последните 14 натпревари.

Дури и тој резултат лесно можеше да биде поинаков, а за тоа најдобро укажува возвратниот меч на Енфилд кога Барса беше елиминирана. Многумина имаат чуство дека Манчестер Сити немаше да ја освои титулата, доколку домашната сезона траеше уште неколку недели. Екипата на Клоп е немилосрдна, со манири на теренот што во целост одговараат на нивниот технички квалитет. Тие, исто така имаат неодамнешно искуство и тоа негативно во финални натпревари. Пред две сезони загубија од Севиља во финалето на Лигата на Европа, а минатата сезона во финалето од Лигата на Шампиони загубија од Реал Мадрид. Сега многу добро знаат што треба, а што не треба да прават во ова финале. Воедно ова за нив е трета среќа, која најчесто се користи на правилен начин.

Исто така, Ливерпул го победи Тотенхем и дома и на гости во Премиер лигата оваа сезона. Додека извонредните мотивациони вештини на Покетино најавуваат голема борба, мора да се напомене неговиот скор против Клоп е доста слаб. Тој има победено само една од деветте средби со Црвените од преземањето на Тотенхем, губејќи четири меча исто колку што завршија нерешено.