10 имиња на списокот желби на Томас Тухел

Фудбалскиот клуб Баерн Минхен подготвува големи промени по разочарувачката сезона, но нема да биде така лесно.

Пазарот стана премногу „тежок“ за Баерн, кој не е познат како клуб што троши пари, но нема да има многу избор ова лето, бидејќи се потребни засилувања во сите три линии во тимот.

Да почнеме од одбраната – Лукас Ернандез и Бенџамин Павард го известија клубот за нивната намера да си заминат, а Баерн ги одреди цените – 60 милиони за Лукас и 30 за Павард, кој влегува во последната година од договорот.

Жоао Кансело нема да биде купен, бидејќи Сити бара премногу пари, но затоа Баерн сега има подобра идеја од „Етихад“ – Кајл Вокер!

Томас Тухел би бил среќен да го доведе Англичанецот бидејќи може да игра и како десен бек и како десен стопер во формацијата 3-4-3 што ја практикуваше во Челзи.

Вокер е незадоволен од минутажата во Сити и идејата за преселба во Баерн му стана приоритет. Покрај Вокер, на мета покрај Лукас е и Ким од Наполи, за кого Де Лаурентис бара 60 милиони, како и Пау Торес од Виљареал и Ван де Вен од Волфсбург.

Очекува уште еден од споменатите тројца да му се придружи на Вокер, а моментално најблиску е Ким.

Нема толку многу имиња во средниот ред, пред се затоа што отпадна најголемата желба на Тухел – Деклан Рајс.

Англичанецот јасно му стави до знаење на Баерн дека сака да остане во Премиер лигата, дури и во Лондон, и е блиску до потпис за Арсенал. Алтернатива наеднаш стана Емил Хејбјерг, кој одамна го напушти Баерн и замина на Островот. Тој не е лесна цел, бидејќи израсна во одличен играч и важен член на Тотенхем.

И конечно, тука е најголемата енигма – нападот. Хари Кејн, Виктор Осимен и Рандал Коло Муани се прескапи бидејќи Тотенхем, Наполи и Ајнтрахт бараат минимум 100 милиони евра кои Баерн одбива да ги плати.

Затоа пак на списокот е Душан Влаховиќ кого Тухел го посакуваше во Челзи. Се верува дека Јуве ќе го продаде за 70-80 милиони евра. Него го посакува и Челзи, па дербито ќе биде интересно.

Изненадување како Вокер во одбрана, во напад – Каи Хаверц! Во трката се вклучи и Баерн од викендов, бидејќи е најефтината опција. Челзи би го пуштил за 60 милиони евра, но Германецот го известил Баерн дека Арсенал му понудиле да остане во Лондон и дека Хаверц сериозно ја разгледува понудата. Како член на Баер Леверкузен и претходно беше поврзуван со Баерн, но тогаш најконкретен беше Челзи.

Толку долгиот список на имиња е доказ дека Баерн сериозно работи на засилувања, но дека ќе биде многу тешко со оглед на финансиите. 100 милионски играчи сега се сосема нормални на пазарот, што значи дека Баерн ќе мора да урива рекорди и да посегне подлабоко во своите џебови.

Во превод нека се подготват да потрошат минимум 200 милиони ако сакаат да ги исполнат сите барања на Тухел…