Ќе има промени во врвот на Баерн: Оливер Кан фаворит за нов претседател

Во наредните две или три години би требало да очекуваме претседателот на Баерн Ули Хенес да се повлече од функцијата.

Хенес тоа сакаше да го направи уште минатата година, но сметаше дека нема достоен наследник.

Реномираниот „Билд“ сега доаѓа до информации дека во Баерн сепак пронашле решение и тоа во легендарниот голман – Оливер Кан!

Наводно, Хенес неколку пати разговарал со Кан и е убеден дека тој би бил вистинскиот човек за негов наследник.

Изгледа дека поголемиот дел од управата нема ништо против, па во наредниот период ќе лобираат за ваква опција.

Еден од најтемпераметните играчи во изминатиот период работеше како новинар и коментатор и често пати знаеше да испрати критики кон својот Баерн, па сосема сигурно дека нема да биде досадно доколку намерите на Хенес и навистина се остварат.