Јувентус му постави ултиматум на Влаховиќ, разделбата е блиску

Италијанските медиуми пренесуваат дека односот меѓу Душан Влаховиќ и Јувентус е на најниско ниво.. 

Според „Газета дело Спорт“, Јувентус бара Влаховиќ да потпише нов договор. Ако тој не го направи тоа, следното лето ќе биде на продажба.

Новиот договор од „Старата дама“ содржи намалена плата, што голгетерот веројатно нема да го прифати.

Поради доаѓањето на Коло Муани, Влаховиќ е ставен во втор план. Ова го натера сериозно да размислува за промена на клуб следното лето.

Неговиот договор е валиден до 2026 година. Јувентус има планови да го продаде летото, а за него интересираат неколку клубови од Премиер лигата.