Јунајтед има „крт“ во соблекувалната, познат составот за дербито против Сити

Дербито во Манчестер е на програмата денес во 17:30 часот, но уште во раните утрински часови англиските медиуми го објавија составот со кој би требало Рубен Аморим да го започне дуелот на Етихадот.

Сè уште не знаеме кој ќе игра денес, односно составите обично доаѓаат час и пол пред почетокот на натпреварот, но составот на Јунајтед веќе почна да кружи на интернет. Навивачите на Јунајтед, се разбира, се лути поради тоа и сметаат дека не би требало да се знае за составот сè до самиот натпревар, но очигледно дека некој од вработените во клубот е многу добар извор за англиските новинари.

„Ова веќе не е смешно“, напиша еден навивач на Јунајтед додека во очај го гледаше составот објавен 17 часа порано. Иако е неофицијален, останува да се види дали ќе има некакви промени во меѓувреме.

Говорејќи пред натпреварот, Аморим потврди дека ќе има комплетен тим на располагање со исклучок на Лук Шо, кој е сè уште отсутен поради повреда.

Според она што излезе уште синоќа на интернет, Јунајтед ќе го започне дуелот со следниот состав:

Онана, Мегваер, Де Лихт, Мартинез, Мазрауи, Угарте, Фернандеш, Дало, Маунт, Амад и Хојлунд, кој неодамна постигна два гола во победата против Плзен (2:1) во Лигата на Европа.