Јунајтед не престанува, по двајцата млади играчи, сега пристигнува еден искусен играч

Манчестер Јунајтед го ангажираше Даниел Џејмс од Свонси, како прво засилување на клубот ова лето, а наскоро како второ летно засилување треба да биде претставен Ерон Ван Бисака од Кристал Палас.

Јасно е дека ова е само почеток на трансфер периодот, а како што „Sky Sports“ ги пренесува пишувањата на каталонскиот „Sport“, управата на клубот од „Олд Трафорд“ подготви и понуда за една стара желба. Според пишувањето на каталонскиот медиум, Јунајтед подготвил понуда од 35 милиони евра за услугите на 31-годишниот Иван Ракитиќ.

Сепак, се знае дека Валверде го цени поранешниот играч на Севиља, но Барса е спремна да го пушти за 50 милиони евра. Дали во Јунајтед се подготвени да ја зголемат понудата и двата клуба да се најдат на пола пат ќе дознаеме во следните денови. Како и да е, ова е само доказ дека Јунајтед ова лето нема да доведува само млади играчи, иако тоа е желба на тренерот Солскјер, да доведува фудбалери кои би ги развиле во клубот.