Јунајтед нема да купува во јануари, има четири мети за на лето

Манчестер Јунајтед минатиот јануари го направи еден од најголемите и најдобри трансфери во последата деценија кога го донесе Бруно Фернандеш.

Медиумите на Островот тврдат дека „црвените ѓаволи“ нема да бидат активни на трансфер пазарот овој јануари и ќе останат со актуелниот состав.

Планот на раководството е да бидат донесени четири засилувања на лето – централен дефанзивец, десен бек, играч за врска и крилен напаѓач.

Солскјер и директорот Вудворд сакаат во тимот да има двајца врвни фудбалери на секоја позиција.

Клубот од „Олд Трафорд“ ќе има солидна сума за трансфери следното лето, а главна цел повторно ќе биде Џејдон Санчо.