Јувентус ја претстави новата „осумка“

Арон Рамзи ова лето пристигна во Јувентус како слободен агент од Арсенал и потпиша 4-годишен договор со „старата дама“.

Велшанецот денес и официјално беше претставен во италијанскиот шампион, каде ќе го носи дресот со број 8.

„Работам напорно заедно со останатите за да бидам спремен што е можно побрзо. Кога слушнав за интересот на Јувентус помислив дека ќе биде остварување на сонот за дојдам тука, но во исто време и голем предизвик. Тука сите ме примија многу добро. Разговарав со Маурицио Сари и немам трпение да почнам да играм со овој дрес. Моментално се рехабилитирам од повредата и не знам дали ќе можам да одам на турнејата во Азија со тимот“, изјави Рамзи.

? @aaronramsey: "I will wear the number 8 shirt next season. I wanted it and when it became available I had to take it. I know a great champion like @ClaMarchisio8 wore it and if I can do what he has I will be very proud. I am ready for this big challenge."#WelcomeAaron

— JuventusFC (@juventusfcen) July 15, 2019

„Сакам да бидам во центарот на играта, да постигнувам голови и да асистирам. Заедно со тренерот ќе процениме каде ќе можам да бидам најмногу од корист за тимот. Ќе го носам дресот со број 8, знам дека го носеле големи шампиони како Маркизио. Ако постигнам колку што постигна тој, ќе бидам горд. Спремен сум за новиот предизвик“, додаде Велшанецот.