Јувентус тргнува по Џејдон Санчо

Џејдон Санчо е одлучен да ја напушти Борусија Дормунд, а неговиот нов клуб би можел да биде Јувентус.

Германскиот фудбалски великан има проблеми со англискиот репрезентативец и спремни се да го продадат уште во јануари, а играчот наводно веќе ја одбрал новата дестинација.

Еден од најдобрите млади фудбалери на светот го привлече вниманието на многу великани, но се издвојува интересот на Јуве и самиот играч сака да игра во друштво на Роналдо.

Да потсетиме, Санчо најпрво беше финансиски казнет бидејќи подоцна се врати во клубот од репрезентативната пауза, а потоа од него се бараше да тренира сам на дожд, за потоа да го заменат на полувремето во дербито против Баерн.

Во 17 натпревари оваа сезона во сите натпреварувања постигна пет погодоци и запиша девет асистенции.