Јувентус тргнува по ѕвездата на Андерлехт!

Како што пренесуваат италијанските медиуми, играчот за врска на Андрлехт Јури Тилеманс е прва трансфер желба на Јувентус во летниот преоден рок.

Тилеманс важи за еден од најталентираните играчи за врска не само во Белгија, туку и во Европа.Сеуште не наполнил 20 години, а веќе неколку сезони скаутите на најголемите европски клубови редовно го посетуваат Брисел за да го следат неговиот развој.

Оваа сезона експлодира со неколку фантастични погодоци, вкупно постигна 14 гола на 39 настапи во сите натпреварувања, и сигурно на крајот на сезоната ќе се пресели во некој од европските гиганти.

Италијанските медиуми тврдат дека раководството на Јувентус веќе стапило во контакт со неговиот агент и започнале преговори, а Андерлехт за неговата слобода сигурно ќе бара помеѓу 25 и 30 милиони евра.

Покрај Јувентус силен интерес за Тилеманс покажуваат и неколку клуба од Премиер лигата, пред се Арсенал и Тотенхем.