Јувентус преговара со ѕвездата на Баерн

Италијанските медиуми пренесуваат дека Јувентус е во напредни преговори за играчот на Баерн Минхен и француски репрезентативец, Корентин Толисо.

26-годишниот играч за врска влезе во последната година од договорот со Баерн Минхен, а нема најави за негово продолжување.

Баварците се спремни да го продадат, а Јувентус веќе стапил во контакт со Баерн и со агентот на фудбалерот.

Алегри е во потрага по квалитетен играч за врска, а после заминувањето на Роналдо клубот има финансиска можност да му ја исполни желбата.

Французинот се согласил за преселба во Јувентус, па останува уште двата клуба да ги договорат последните детали, а трансферот треба да изнесува околу 20 милиони евра.