Јувентус на лето тргнува по ѕвездата на Челзи?

Сегашниот тренер на Јувентус, Маурисио Сари веќе работеше со 31-годишниот крилен фудбалер додека ја водеше лондонската екипа.

Јувентус следното лето би можел да го доведе Бразилецот Вилијан од Челзи, пишуваат италијанските медиуми. Како што тврди италијанскиот „TuttoSport“, Јувентус ја следи ситуацијата со него и Челзи и доколку не потпише нов договор до јануари ќе се обиде да го доведе во Торино и со тоа да ја засили екипата на тимот во походот на Лигата на Шампионите.

Вилијан во Челзи има договор до крајот на сезоната и уште во јануари може да постигне преддоговор со некој друг клуб каде што би си заминал без надомест. Бразилецот за Челзи запиша 203 настапи и постигна 28 гола, додека за бразилската репрезентација настапи 69 пати и постигна девет гола.