Јувентус ја активираше клазулата и Федерико Киеза повеќе не е на позајмица во Фиорентина.
Италијанскиот репрезентативец се придружи на „старата дама“ како позајмен играч во 2020 година со можност за откуп на неговиот договор на крајот од оваа сезона.
Street Workout Macedonia – Движење што гради сила, карактер и издржливост | Уште еден поткаст
Според пишувањето на медиумите на Апенините еден од условите за траен откуп на неговиот договор е пласманот во Лигата на шампионите. Јувентус место во топ 4 обезбеди на три кола пред крајот на шампионатот.
За позајмица на Киеза Јувентус плати 10 милиони евра и ќе плати дополнителни 40 милиони евра за неговиот откуп да биде траен. Овој 24-годишник постигна 18 голови на 61 натпревар за Јувентус. Во овој момент Киеза е надвор од терените поради тешката повреда на коленото.
На три кола пред крајот Јувентус е четврти со 69 бодови, еден помалку од третопласираниот Наполи, шеест помалку од Интер и осум помалку од водечкиот Милан. Лацио и Рома на петтата и шестата позиција заостануваат 10 бода зад Јувентус.
Учество во игри на среќа е дозволено за лица со 18+ години. Играј одговорно!