Јувентус замената за Игуаин ја најде во Наполи

Напаѓачот на Наполи, Аркадиуш Милик ова лето најверојатно ќе ја промени средината, а може да ја продолжи кариерата во големиот ривал Јувентус, пренесува „Тутоспорт“.

Милик ова лето влегува во послесната година од договорот, па Наполи ќе мора да го продаде, а Јувентус сака да ја искористи таквата ситуација.

Тренерот на „бјанконерите“ Маурицио Сари одлично го познава Милик и смета дека одлично би се вклопил во триото со Роналдо и Дибала во нападот.

Оваа сезона Милик одигра 16 меча за Наполи на кои постигна 9 гола во Серија А, а Наполи за неговиот потпис бара помеѓу 30 и 40 милиони евра.

Јувентус е спремен да ја плати оваа сума бидејќи смета дека полскиот напаѓач ќе биде идеален наследник на Игуаин, кој е на излезна врата.