Јувентус го претстави Кулушевски: Немам трпение да играм со Роналдо

Јувентус денес и официјално го претстави најголемото засилување за новата сезона, Дејан Кулушевски.

Играчот со македонско потекло не ја криеше среќата што ќе игра заедно со Кристиано Роналдо и се надева дека ќе има успешна дебитанска сезона.

„Кристиано е фантастичен. Тој е многу добар и зборува со сите фудбалери, дури и за работи надвор од фудбалот. Неговите зборови се како „бензин“ за мене, среќен сум да играм со таков фудбалер и се надевам дека заедно ќе освоиме многу трофеи“, изјави Кулушевски.

„Секој ден на тренинзите давам 100% од себе си, мора да бидам спремен во секој момент. Мислам дека можам да допринесам за овој тим. Сакам да се забавувам на теренот, а тоа го бара и тренерот од мене. Пирло е фантастичен и многу ми помага со совети за да ја подобрам мојата игра“, додаде Кулушевски.

"I'm the happiest guy in the world!" ??

Dejan Kulusevski is every Juve fan at his official presentation ⚪️⚫️

? https://t.co/xqk1GJIq6l#WelcomeDejan #ForzaJuve pic.twitter.com/721Mjp9vAx

— JuventusFC (@juventusfcen) September 18, 2020