Јувентус го купува „турскиот Дибала“

Италијанскиот шампион Јувентус сака да доведе фудбалер за кого експертите велат дека е „новиот Дибала“.

Имено, станува збор за младиот турски напаѓач Ченгиз Ундер кого во Турција го нарекуваат „новиот Дибала“. Овој млад напаѓач игра во Башакшекир, а минатата сезона на 32 натпревари постигна седум гола во турската лига.

Италијанските медиуми пренесуваат дека Јувентус е силно заинтересиран за Турчинот и сака да го донеде уште ова лето во Торино.

Ундер веќе избори место во турската репрезентација, па јасно е дека станува збор за многу талентиран фудбалер.

„Старата дама“ е спремна за неговиот потпис да плати 14 милиони евра и да го остави една година на позајмица или во неговиот матичен клуб или во некој клуб од Серија А.