Јувентус вечерва со нова формација – еве како ќе изгледа!

Макс Алегри е спремен повторно да ја промени формацијата, па вечерва Јувентус ќе го видиме во формација во која не се гледа така често.

Алегри минатата сезона ја промени тадиционалната 3-5-2 формација во 4-2-3-1, но сега е спремен повторно да проба нешто ново.

Италијанските медиуми пренесуваат дека вечерва против Олимпијакос „старата дама“ ќе истржа со формација 4-3-3 бидејќи во тимот се враќа Сами Кедира.

Планот е јасен, Германецот ќе ги одработува дефанзивните задачи и ќе му дава поголема слобода на Пјаниќ и Матуиди.

Во нападот единствен сигурен е Дибала кој ќе игра малку по повлечено,а пред него ќе играат Даглас Коста и еден помеѓу Манџукиќ и Игуаин.