Ѕвезда од Серија А се појави со голем белег на вратот – познато што се случило!

Јенс Одгард, кој игра за Болоња и еден од најзаслужните што овој клуб и оваа сезона се движи кон Лигата на шампионите. Данецот во 25 првенствени натпревари постигнал шест голови и асистирал за два. Болоња победи кај Венеција со 1:0, што е нејзината петта последователна победа во Серија А, а Одгард ја одигра целата средба. Најголемото внимание таму го привлече големиот и грд белег на вратот, кој беше во форма на круг.

„Што е тоа!? Дали го касна зомби? Дали е тоа тетоважа или белег на ајкула?” беа некои од коментарите откако снимките од вратот на Одгард станаа вирални. Затоа тој преку социјалните мрежи објасни: „Тоа е само последица од третман на вратот. И не, зомби не ме каснало“.

Одгард е еден од многуте фудбалери кои се подложени на терапија. Со неа, со помош на посебни „чаши“ и рачна пумпа, од кожата се вади воздух и се создава вакуум. Тоа предизвикува повлекување на меките ткива, со што се помага елиминација на токсичните и воспалителни состојби и се поттикнува циркулацијата со кислород, протеини и други хранливи материи.