Ѕвездата на Рома флертува со Јувентус

Офанзивниот играч за врска на Рома, Николо Заниоло ја воодушеви фудбалска Италија оваа сезона.

Минатото лето Заниоло пристигна од Интер, во рамките на трансферот за Раџа Наинголан, а во последно време е незаменлив во составот на „Волчицата“. Рома се обидува да му понуди нов договор, но европските гиганти веќе работат да го донесат во своите редови.

Јуве веќе преговара со неговиот агент, се обидува да дојде до информација колку е потребно за Заниоло да се пресели во нивните редови. Идејата која ја има спортскиот директор е слична на онаа која е спроведена за време на ангажманот на Федерико Бернандески од Фиорентина, па така Рома би можела да добие идеална прилика следното лето да заработи големи пари.

И самиот Занило не крие дека би сакал да се пресели во Торино и да го облече дресот на Јувентус.

„Јас сум среќен во Рома, но кој не би сакал да игра во Јувентус? Оставам на Рома да одлучи за мојата иднина“, изјави младиот Италијанец.

'Who wouldn’t go to Juventus?' – Roma starlet Zaniolo on transfer rumours https://t.co/XlAWkptLn9 pic.twitter.com/WcQFuqtal4

— 9Sport (@9Sport1) May 7, 2019