Ѕвездата на ПСЖ со порака за Клоп: Јас сум фан на Ливерпул!

Играчот за врска на ПСЖ и француски репрезентативец, Адриен Рабио изјави дека со задоволство би играл во Премиер лигата и призна дека е фан на Ливерпул.

Рабио беше стартер на сите натпревари на ПСЖ од почетокот на сезоната, а неговиот договор со францускиот клуб истекува на крајот на следната сезона.

Французинот во последните години прерасна во еден од најперспективните играчи за врска во Европа, па многу клубови од Премиер лигата покажуваат интерес за него.

„Во моментов сум среќен во ПСЖ, но би било одлично да пробам искуство во некоја друга лига. Со задоволство би играл во Англија, иако немам во предвид некој конкретен клуб, јас морам да признаам дека израснав како фан на Ливерпул“, изјави Рабио.

Најсилен интерес за Рабио во моментов покажуваат Арсенал и Тотенхем, но оваа изјава сигурно ќе ги натера луѓето од „Енфилд“ на размислување.

PSG's Adrien Rabiot: "I would love to play in the Premier League. I was very fond of Liverpool, when I was young." ? #LFC #PSG pic.twitter.com/QmGpzRhziF

— Premier League Panel (@PremLeaguePanel) October 5, 2017