Ѓоковиќ откри што му недостасува ова да му биде најдобра сезона во кариерата

Новак Ѓоковиќ има голема самодоверба пред Дејвис Купот каде што сака да го освои трофејот.

Најдобриот светски тенисер ги израдува српските навивачи со потенцирањето дека доаѓа мотивран да го освои трофејот.

„Ова е една од моите најдобри сезони. Ако победам со Србија во Малага, тогаш тоа ќе биде моја најдобра во кариерата. Голема е честа да се игра за сопствената држава во најважното екипно натпреварување. Имаме шанса да се бориме за титулата“, изјави Ѓоковиќ.

Ѓоковиќ нема многу време за одмор бидејќи пред само неколку дена го заврши турнирот во Торино каде што стигна до својата седма титула на завршниот Мастерс.