Ѓока: Веруваме во победа и пласман во следната фаза

Шкендија денес од 20:00 часот го игра реваншот против Мура во квалификациите за Лигата на шампионите.

Тренерот Ернест Ѓока верува дека неговиот тим ќе одигра еден поефикасен натпревар и ќе ги искористи шансите.

„Веруваме во пласман понатаму. Во првиот натпревар имавме лоша среќа и не успеавме да постигнеме гол. Мура е еден квалитетен тим, не е случајно што се шампиони на Словенија. Од тимот побарав две работи, да бидат пвоеќе агресивни и прецизни пред голот“, изјави Ѓока.

Реваншот помеѓу Мура и Шкендија е закажан за денес во 20:00 часот.

Фото: Шкендија