Што правеа Лукаку и Санчез во дербито?! – Фил Фоден со две минути на теренот имал поголем допринос! (ФОТО)

Англичаните стигнаа до неверојатен податок.

Манчестер Сити вчера заслужено славеше против Манчестер Јунајтед, тоа беше демонстрација на сила на екипата на Пеп Гвардиола која во текот на натпреварот доминираше на „Етихад“.

После натпреварот се појавија бројни статистички податоци кои покажуваа колку Манчестер Сити бил доминантен во однос на градскиот ривал.

Имено, статистичарите успеаа да извлечат податок дека фудбалерот на „граѓаните“ Фил Фоден кој влезе во втората минута од судиското продолжение, за две минути на теренот забележал седум успешни додавања.

Тоа не е ништо чудно додека Фоден не го споредите со Лукаку и Санчез кои на теренот се појавија многу порано.

Лукаку во игра влезе во 57-та минута, додека Санчез го замени Лингард во 73-тата и за времето кое го поминаа на теренот забележаа – четири успешни додавања!

Alexis Sanchez & Romelu Lukaku in 57 combined minutes – four passes

Phil Foden in two minutes – seven passes ?#ManchesterDerby pic.twitter.com/DYgz9gtGoj

— Match of the Day (@BBCMOTD) November 12, 2018