Шпанците тврдат дека ТОЈ е новиот Галактикос, Зидан призна: Многу го ценам!

Тренерот на Реал Мадрид, Зинедин Зидан призна дека исклучително ги цени квалитетите на напаѓачот на Ливерпул, Мохамед Салах.

Салах оваа сезона брилјира во дресот на Ливерпул, а медиумите веќе подолго време го поврзуваат со трансфер во Реал Мадрид.

„Салах е фантастичен фудбалер. Тоа го покажа и во Рома, а го покажува и сега во Ливерпул. Се уште е млад и се гледа дека напредува… Не сакам да го зборувам за играчи кои се уште не се во клубот, но Салах е некој кого многу го ценам“, изјави Зидан.

Салах сезонава на 26 натпревари постигна 20 гола во сите натпреварувања, а шпанските медиуми тврдат дека токму тој ќе биде новата аквизиција на Реал Мадрид.