Шпанија – Англија: Подмладувањето во двете селекции донесе позитивни вибрации

Шпанија е домаќин на Англија во дербито на денот во понеделник. Дуелот ќе се одигра во Севиља, а атмосферата се загрева од ден на ден. Домаќинот е фаворит, особено по неверојатните две победи на стартот од Лигата на Нации, но по се изгледа дека Англија полека но сигурно излега од кризата во која се најде по Светското Првенство.

Луис Енрике знае што прави

Шпанија во Лигата на Нации влезе со третиот тренер во последните неколку месеци. Имаше хаотично лето за Шпанија, кога Лопетеги го презема Реал Мадрид непосредно пред Светското првенство. Фернандо Јеро ја водеше Шпанија, но веројатно без преголем притисок. Резултатите беа лоши, но по се што се случуваше беа очекувани.

По сето тоа, Шпанија се сврти кон Луис Енрике, поранешниот менаџер на Барселона. И повторо имаше многу прашалници во шпанската јавност по неговото назначување. Но неговиот непринципиелен пристап врз играта веднаш донесе дисциплина во тимот.

Со Андрес Иниеста, Давид Силва и Џерард Пике кои се пензионираа од репрезентацијата, екипата има нов изглед. Пако Алкасер, Маркос Алонсо, Сусо, Родри, Серџи Роберто, Дани Цебалос, Хозе Луис Гаја, Диего Љоренте и Иниго Мартинез се меѓу оние кои добија шанса, а Серхио Рамос и Серхио Бускетс ја претставуваат старата гарда.

Луис Енрика направи одличен спој на младост и искуство, а тоа веднаш вроди со плод. Прво Шпанија славеше во Англија со 1:2, а потоа ја декласираше силната Хрватска со неверојатни 6:0.

Саудгејт и Англија излегуваат од кризата

Нема навивачи, нема атмосфера и во таков случај и не може да се очекува многу возбуда: тоа беше билансот на натпреварот на Англија против Хрватска во петокот вечерта. Англија си имаше свои шанси на тој меч, но со ремито речиси и да ги загуби шансите за да го освои лидерското место во оваа силна група.

Сепак, откако загубија во полуфиналето од Хрватска, а потоа и со 2:0 од Белгија во мечот за третото место на Светското првенство, фудбалерите на Саудгејт врзаа три порази по ред.

Конечно во пријателскиот меч победија против Швајцарија 20 1:0 со голот на Рашфорд во Лестер, па ете сега одиграа и реми против Хрватска на гости.

Присуството на возбудливи млади таленти како што се Санчо и Мејсон обезбедуваат дополнителен интерес за оваа селекција и тоа не само на островот, предизвизкуваат интерес и во Севиља.

Саудгејт ја продолжи својата политика на промовирање на млади фудбалери во неговиот состав. Џејмс Медисон, Јордан Санчо и Мејсон дебитираа, а и сега сите тројца се во составот. Тоа значи дека е можно да има некое изненадување во нивниот состав.

Целиот текст прочитајте го на специјализираниот портал kladenje.mk