Шопингот на Барса во Лондон не помина како што очекуваа

Челзи одбил понуда од Барселона за бразлискиот фудбалер, Вилијан.

Како што пишува „Daily Mail“, каталонскиот гигант се обидел да го ангажира 29-годишниот крилен фудбалер. Барса понудила 50 милиони фунти за споменатиот играч, но таа понуда била одбиена.

„Сините“ немаат намера за таа сума да го продадат одличниот Бразилец. Барса ќе мора да испрати многу поголема и попривлечна понуда, а тоа би можело да се случи следните денови. Агентите на овој играч веќе беа во Баселона на преговори. Тој е заинтересиран за трансфер на „Камп Ноу“, но за сега Челзи не се согласува да го продаде.

Вилијан веќе пет години го носи дресот на англискиот тим, а минатата сезона во 36 натпревари постигна шест гола и запиша осум асистенции.