Шок во Торино: Дибала го напушта Јувентус!

Пауло Дибала е еден од најдобрите играчи на „старата дама“, но неговата иднина во Торино е неизвесна, тврди „Тутоспорт“, весник кој е близок до Јувентус.

Весникот тврди дека меѓу играчот и раководството на клубот има сериозни отстапувања во врска со условите за новиот договор, кој сеуште не е потпишан.

Претставниците на Дибала се во Торино веќе речиси еден месец, но се уште не постигнале договор со раководството на клубот за условите за новиот договор, кој се очекуваше да биде потпишан уште пред две недели.

Силен интерес за аргентинскиот напаѓач покажуваат Реал Мадрид и Барселона, а „Тутоспорт“ денес ги шокира фановите на Јувентус со тврдењето дека Дибала е со едната нога надовор од клубот.