Шокантно признание на НБА ѕвездата: Пушев марихуана, а и денес пушам!

Поранешната НБА ѕвезда ја изненади јавноста со својата изјава во американските медиуми.

Стефан Џексон во своето последно интервју за медиумите во Америка изрази желба да се легализира марихуаната во Америка.

Џексон во 2003 година го освои шампионскиот прстен со Сан Антонио Спарс, а сега откри дека пушел марихуана во текот на целата кариера.

„Сметам дека марихуната би требало да биде легализирана. Јас ја пушев во текот на целата кариера, а и денес редовно ја конзумирам“, откри Џексон.

Џексон во НБА настапуваше 14 години, а далечната 1997 година е избран како 42 пик на драфтот од страна на Феникс Санс. Во текот на неговата кариера во НБА настапуваше за дури девет клубови, а најдобрите денови ги помина во тимот на Шарлот.