Шевченко: Во Лондон сум, но сите мои најблиски се во Украина

Поранешниот селектор на Украина, Андреј Шевченко се обрати на Украинците кои ја бранат земјата.

Русите ја нападнаа Украина во четвртокот и борбите веќе се водат на повеќе делови од земјата, меѓу кои е и градот Киев. Шевченко во овој момент е во Англија, но неговото семејство остана во Украина.

„Во Лондон сум, но мојата мајка, мојата сопруга и сите мои блиски се во Украина, многу сум загрижен. Родителите, мајката и сестрата се во близина на Киев. Се е во ред, но ова што се случува е страшно“.

„Сакам да испратам поддршка и благодарност до украинската војска, претседателот и нашиот народ кој ја брани земјата. Вие сте мои херои, горд сум на својата земја и својот народ“, порача Шевченко.